सहकार कायद्याचा फेरआढावा घेण्याची गरज – मुख्यमंत्री देवेंद्र फडणवीस

सहकार कायद्याचा फेरआढावा घेण्याची गरज – मुख्यमंत्री देवेंद्र फडणवीस

मुंबई – सहकार क्षेत्रासमोरील आव्हाने बदलली असून नव्याने सहकार क्षेत्राचा अभ्यास करून सहकार कायद्याचा फेरआढावा घेण्याची गरज आहे. तसेच सहकार कायद्यात कोणत्या स्वरूपाच्या तरतुदी असाव्यात, त्याबाबतचा अहवाल तयार करण्यात यावा, असे मुख्यमंत्री देवेंद्र फडणवीस यांनी सांगितले.

विधान भवनात आयोजित करण्यात आलेल्या बैठकीत ते बोलत होते. आंतरराष्ट्रीय सहकारिता वर्षामधील कार्यक्रमाचे नियोजन करण्यासाठी बैठकीचे आयोजन करण्यात आले होते. सहकार मंत्री बाबासाहेब पाटील. कृषी मंत्री माणिकराव कोकाटे, यासह अधिकारी उपस्थित होते. मुख्यमंत्री फडणवीस यांनी सांगितले की, आंतरराष्ट्रीय सहकार वर्ष निमित्त सहकार क्षेत्रातील विविध खात्यांनी परस्पर समन्वयातून कार्यक्रमाचे नियोजन करावे. तसेच विविध उपक्रमाची माहिती जनतेपर्यंत पोहोचवावी.

सहकार आणि पणन विभागाचे प्रधान सचिव प्रवीण दराडे यांनी विविध विभागाच्या उपक्रमाच्या माहितीचे सादरीकरण केले. बँकिंग तज्ञ विद्याधर अनास्कर लिखित गोष्ट रिझर्व्ह बँकेची पुस्तकाचे प्रकाशन करण्यात आले.