मा श्री सतीशजी मराठे अमृत महोत्सव समारंभ….ओसंडून वाहणारा उत्साह व डोळ्यांचे पारणे फेडणारा समारोह..

सहकार भारतीचे संस्थापक सदस्य, भारतीय रिझर्व बँकेचे संचालक व असंख्य कार्यकर्त्यांचे प्रेरणास्त्रोत मा श्री सतीशजी मराठे यांचा अमृत महोत्सवी सोहळा मुंबई (दादर) येथील श्री स्वामीनारायण सभागृहात हजारो कार्यकर्त्यांच्या साक्षीने दिमाखात संपन्न झाला. याप्रसंगी राष्ट्रीय स्वयंसेवक संघाचे माजी सरकार्यवाह मा श्री भैय्याजी जोशी, माजी केंद्रीय मंत्री व देशाच्या नवीन सहकार धोरण समितीचे अध्यक्ष मा श्री सुरेशजी प्रभू, इफकोचे अध्यक्ष मा डॉ उदय शंकर अवस्थी, सहकार भारतीचे राष्ट्रीय अध्यक्ष मा डॉ उदयजी जोशी, राष्ट्रीय महामंत्री मा श्री दीपकजी चौरसिया, मा सतीशजींच्या सुविद्य पत्नी सौ भारतीताई मराठे, सहकार भारतीचे महाराष्ट्र प्रदेश अध्यक्ष श्री दत्तारामजी चाळके, प्रदेश महामंत्री श्री विवेक जुगादे यावेळी व्यासपीठावर उपस्थित होते.