Category: Blog

सहकारी संस्थांच्या माध्यमातून ग्रामीण अर्थव्यवस्थेला बळकटी देणार : केंद्रीय सहकार मंत्री अमित शहा

नवी दिल्ली – सहकारी संस्थांच्या माध्यमातून ग्रामीण भागातील अर्थव्यवस्थेला अधिक बळकटी देण्याची आवश्यकता असून सहकार क्षेत्र हे ग्रामीण भारताच्या विकासाचा मापदंड आहे, असे केंद्रीय सहकार मंत्री अमित शहा यांनी सांगितले. नवी दिल्ली येथे सहकार मंत्राल्यामध्ये आयोजित करण्यात आलेल्या मंथन बैठकीत ते अध्यक्ष पदावरून ते बोलत होते.

केंद्रीय सहकार राज्यमंत्री मुरलीधर मोहोळ, कृष्णपाल गुर्जर, सचिव डॉ. आशिष कुमार आणि विविध राज्यातील सहकार मंत्री, तज्ञ उपस्थित होते. सहकारी संस्थांनी अधिक प्रभावीपणाने आणि पारदर्शीपणे काम करून शेतकरी आणि ग्रामीण जनतेच्या हिताला प्राधान्य द्यावे अशी अपेक्षा त्यांनी व्यक्त केली.

आर्थिकदृष्ट्या अडचणीत असणार्या सहकारी बँकांना विविध घटकांना कर्जाची उपलब्धता करण्यासाठी निधीची गरज आहे. यासाठी केंद्र सरकारने यासाठी निधी उपलब्ध करून द्यावा, अशी मागणी राज्याचे सहकार मंत्री बाबासाहेब पाटील यांनी केली आहे. ते म्हणाले की, राज्यातील 31 सहकारी बँकापैकी 23 बँका सक्षमपणाने कार्यरत आहेत तर अन्य बँका अडचणीत आहेत. या बँकांना निधी उपलब्धा करून देण्याची गरज आहे. यामुळे ग्रामीण भागातील शेतकर्‍यांना आर्थिक पुरवठा सुरळीत होण्यास हातभार लागणार आहे आणि आर्थिक सक्षमीकरण होणार आहे. तसेच राज्यातील 21 हजार प्राथमिक कृषी सहकारी संस्था डिजिटल सक्षमीकरणाच्या दृष्टीने वाटचाल करीत आहेत. याबरोबर सहकार क्षेत्रातील अन्य घटकांच्या प्रगतीसाठी सक्षम करण्याचा प्रयत्न आहे असे त्यांनी नमूद केले.

सहकार भारती आयोजित कार्यकर्ता अभ्यास वर्गात संघटनात्मक बाबींबर सविस्तर चर्चा

सांगली – सहकार क्षेत्रात संस्कार रुजवण्यासाठी व हे क्षेत्र मजबूत करण्यासाठी जागरूक राहून कार्य करण्याचे आवाहन सहकार भारतीचे संस्थापक सदस्य व भारतीय रिझर्व बँकेचे संचालक सतीश मराठे यांनी केले. सहकारातून विकसित भारत यावर त्यांनी सविस्तर विवेचन केले.

कोल्हापूर विभाग सहकार भारतीच्या वतीने दोन दिवसीय कार्यकर्ता अभ्यास वर्गाचे आयोजन करण्यात आले. अभ्यास वर्गाचे उद्घाटन राष्ट्रीय स्वयंसेवक संघाचे कोल्हापूर विभाग सहसंघचालक भगतराम यांच्या हस्ते झाले. यावेळी आवाडे इचलकरंजी जनता सहकारी बँकेचे अध्यक्ष स्वप्निल आवाडे यांच्या अध्यक्षस्थानी होते.

सध्याच्या अर्थव्यवस्थेमध्ये सहकार क्षेत्राचे फार मोठे स्थान आहे आणि ही अर्थव्यवस्था अधिक बळकट करायची असेल तर सहकारी संस्थांच्या माध्यमातून हे कार्य अधिक सुलभपणे होऊ शकते. त्यासाठी नवनवीन सहकारी संस्था स्थापन करण्यावर त्यांनी भर दिला.

सहकार भारती प्रदेश महामंत्री विवेक जुगादे प्रदेश संपर्क प्रमुख संजय परमणे, प्रदेश महिला प्रमुख वैशाली आवाडे, प्रदेश पतसंस्था प्रकोष्ट प्रमुख सागर चौगुले, प्रदेश कार्यालय प्रमुख श्रीकांत पटवर्धन, प्रदेश सहसंघटन प्रमुख प्रवीण बुलाख, कोल्हापूर जिल्हाध्यक्ष अरविंद मजलेकर उपस्थित होते.

अभ्यास वर्गात सहकार चळवळीशी संबंधित विविध विषयांवर मार्गदर्शन करण्यात आले. कार्यकर्त्यांना संघटन, सहकारी मूल्ये, बँकिंग व्यवस्थापन, दूध डेअरी तसेच सामाजिक बांधिलकी या विषयांवर तज्ज्ञांनी मार्गदर्शन केले. कोल्हापूर, सांगली व सातारा जिल्हा कार्यकारणी पदाधिकार्‍यांसह विविध सहकारी संस्थांचे प्रतिनिधी उपस्थित होते.

सांगली अर्बन बँकेचे अध्यक्ष गणेश गाडगीळ उपस्थित होते. अभ्यास वर्गास सांगली कोल्हापूर सातारा जिल्ह्यातील कार्यकर्ते उपस्थित होते.

कोल्हापूर, सातारा, सांगली या जिल्ह्यांमधील कार्यकर्ते उपस्थित होते. अभ्यास वर्गाच्या यशस्वीतेसाठी कोल्हापूर विभाग प्रमुख चंद्रकांत धुलप, सहप्रमुख जवाहर छाबडा, अभ्यास वर्ग प्रमुख सागर चौगुले यांनी परिश्रम घेतले.